गजल ,मिठा मिठा बातहरु ...

मिठा मिठा बातहरु गर्ने मान्छे तिमी
जता खुशी मिल्छ उतै सर्ने मान्छे तिमी।
*
खाटो बसि सक्या घाउ कोट्याएर छोड्यौ
सुन्छु फेरी अरुको पिर हर्ने मान्छे तिमी।
*
हाते मालो गरि संगै सागरमा डुब्ने भन्दै
किनारामा छोडी एक्लै तर्ने मान्छे तिमी ।
*
साना तिना गल्ति हुँदा छोड्ने कुरा गर्‍यौ
मेरै लागी संसार भुली मर्ने मान्छे तिमी।
*
मन बुझ्ने ठाँउ छैन सम्झिएर ल्याउँदा
आसुँ दिइ आफु हाँसो भर्ने मान्छे तिमी ।
*
बिमला अधिकारी
भरतपुर,चितवन