मुक्तक:**नारीका आवाज**

केहि नारीका आवाज बोकेका मुक्तक हरु !
१,
बिकाशको मूल खोज्न पाइला अब चाल्नु पर्छ
ओसिएको चुलो चौका हाम्ले  आफैं बाल्नु पर्छ
संकुचित भावना मा डुब्नु हुन्न उठ साथी
कुरीतिका खम्बा अब  हामीले नै ढाल्नु पर्छ!!!
*****************************
२,
कमजोरीको संज्ञा हैन सहयोगी हात देउ
सामिप्यता चाहिंदैन  अप्ठेरोमा साथ देउ
खेल्ने बस्तु हैन नारी आँधी हुरी छेक्न सक्छे
शिखर चुम्ने स्वाभिमानी सान्त्वनाको बात देउ!!!
*****************************
३,
उठ्नु पर्छ दिदी बैनी कम्बर कस्नु पर्छ अब
जसले दास ठान्छ उसकै घुँडा धस्नु पर्छ अब
युगौं देखि पिल्सिएको पुरुसबादी समजामा
अहम बादी  भावना मा बिष  भर्दै डस्नु पर्छ
*****************************