गजल:**लेक बेसी**

लेक बेशी धाउँने मन नभएको कहाँ हो र
गाउँ संम्झी आउँने मन नभएको कहाँ हो र!
*
मक्कियो रे छानो अब भन्छन झरी थामिंदैन
टिन हाली छाउँने मन नभएको कहाँ हो र !
*
सुशेलिको मिठो भाका कानै भरी गुन्जिदै छ
रोधी घरमा गाउँने मन नभएको कहाँ हो र !
*
बिरानो यो मुलुकमा बस्छु सधैं तड्पिएर
न्यानो मायाँ पाउने मन नभएको कहाँ हो र !
*
बिछोडको आसुँ झार्दै एक्लिएको धेरै भयो
चोखो प्रित लाउने मन नभएको कहाँ होर !
*
बिमला अधिकरी
भरतपुर ,चितवन