गजल:**छोड्यौ तिम्ले दोबाटोमै**

छोड्यौ तिम्ले दोबाटोमै र त बाँच्ने आधार खोजें
तिम्रो भन्दा अलि बेग्लै स्वच्छ शान्त ब्यवहार खोजें !
*
अटाउन सकेनौ त! मेरो मायाँ त्यो छातीमा
त्यसैले त हिमाल झैं खुलमखुल्ला संघार खोजें !
*
आँशु मात्रै दियौ सधैं हाँसो माग्दा जिन्दगीमा
त्यै बेदना भुल्न भनि आज मैले जंघार खोजें !
*
जहर झैं पिउँदैछु म आफ्नै आँशु संगालेर
उजाडीए रहर हरु शितल दिने बहार खोजें !
*
पीडा बोकी बाँच्न गाह्रो हाँस्न झनै गाह्रो हुने
त्यै हुनाले एकै चोटमा मुक्ति दिने प्रहार खोजें !
*
बिमला अधिकारी