कविता ,गरिबको दशैँ

बिहानीको किरण संगै उमंगले देश छायो

 दुइहजार सत्सठ्ठीको बडा दशैँ पनि आयो/

*

निर्दयी र कठोर बन्दै आयो दशैँ खुसि बोकी

कतिले त हाँस्नु पर्छ दु;ख भित्र आँसु रोकी/

*

राम्रो लाउने मिठो खाने सन्तानको चाहनामा

 साहुको ऋण भित्र डुब्छन खुशी दिने बहानामा/

*

बर्षे झरी, प्रचण्ड ताप ओत दिने छानो छैन

भरिया भै काम गर्यो छाक टार्ने मानो छैन/

*

छोराछोरी भन्छन कठै राम्रो नाना लाउने कैले

किन आफै मरि गइन जन्म दिनु भन्दा पहिले/

*

धनि गरीव, ठुलो सानो नभनेर दशैँ आयो

 हर्षबढाई गर्छन् धनी गरिबलाई दशा भयो/

*

धनी गरीव बिचको दुरी हटाउन सबै लडे

गरीव मरे सहिद भए हुनेखाने अघि सरे/

*

राक्षसको खोल ओडी अड्डा आफ्नो जमाउँदै

गरिबको पसिनामा बाँचेका छन रमाउँदै /

बिमला अधिकारी

भरतपुर चितवन