गीत ,तिम्रै नाम कोरी बसे ...

सागर तरी किनारामा तिम्रै बाटो हेरी बसे
 हृदयको पाना भरि तिम्रै नाम कोरी  बसे!
 ,
जब हुन्छु एकान्तमा अतितले घेर्छ मलाई
तिम्रो न्यानो स्पर्शले कल्पमा मै बेर्छ मलाई
उर्लिएका चाह हरु आफ्नै मनले सेरी बसे
हृदयको पाना भरि तिम्रै नाम कोरी  बसे!!
 ,
सक्दिन कि तिमी बिना टाढीएर बाच्न पनि
माया अन्तै बाँडी दियौ जीवन भरि साच्न पनि
जति दियौ आँसु हाँसो मुटु भरि बेरी बसे
हृदयको पाना भरि तिम्रै नाम कोरी  बसे!!
 ,
सागर तरी किनारामा तिम्रै बाटो हेरी बसे
हृदयको पाना भरि तिम्रै नाम कोरी  बसे!!
 ,
बिमला अधिकारी
भरतपुर चितवन