कविता:**बिन्ति छ माँ**

मानव को प्राण भित्र तिम्रो बास हुन्छ भने
तड्पाई को चित्कारले तिम्रो मन छुन्छ भने l
*
लक्ष्मी माँ सुन्छौ भने म दुखीको पुकार
अन्धकार ति बस्तिहरुमा दिप जलाउन पुग l
*
नाङ्गो जिउमा टालो देउ भोको पेटमा गास
गरिबको झुप्रोहरुमा बस्न जाउ बास l
*
धनि सधै माथि हुन्छन गरिब सधै तल
बाच्नु पर्छ ति गरिबले मर्दै पल पल l
*
सारा सूस्टी तिम्रो हातमा नहेरी देउ चोट
तिमि माथि लाग्न सक्छ अविस्वासको खोट l
*
पुकार गर्छु लक्ष्मी माँ बिन्ति चढाएरा
जगत सारा बाच्न सकुन खुसि बढाएर l
*
बिमला अधिकारी [देवकोटा ]
भरतपुर चितवन l