गीत ,मैले सागर तरे पछी ...

नखोज्नु है किनारमा मैले सागर तरेपछि
आउछ दिन पर्खदैन समय त्यो टरेपछि !
*
धेरैं रोएँ जिन्दगीमा अब हाँस्न खोज्दैछु म
सम्हालिंदै आफैभित्र थोरै खुसि रोज्दै छु म
बिर्सनलाइ बाध्य भएँ तिम्ले अति गरेपछि
नखोज्नु है किनारमा मैले सागर तरेपछी !!
*
माया गर्ने मन दिए तिरस्कार पाएँ मैले
अनायासै टुट्यो मन धेरै चोट खाएँ मैले
दुख्नै छोड्यो बेदनाले मन मेरो मरेपछि
नखोज्नु है किनारमा मैले सागर तरेपछी !!!
*
नखोज्नु है किनारमा मैले सागर तरेपछि
आउछ दिन पर्खदैन समय त्यो टरेपछि !!!!